Get Adobe Flash player

سندھ بھرمیں عیدالاضحی کے موقع پر سیکیورٹی انتظامات مکمل

وزیرداخلہ سندھ سہیل انور سیال کی جانب سے منظوری کے بعد عیدالاضحی کے لیے تشکیل دیئے گئے سیکیورٹی پلان کو حتمی شکل دے دی گئی۔وزیر داخلہ سندھ سہیل انور سیال نے عید کے سیکیورٹی پلان کی منظوری دے دی جس کے بعد سندھ بھرمیں عید کے سیکیورٹی انتظامات کو حتمی شکل دے دی گئی۔وزیرداخلہ سندھ کا اس حوالے سے حکم دیتے ہوئے کہا کہ عید کے موقع پر فول پروف سیکیورٹی انتظامات کو یقینی بنایا جائے، کھالیں جمع کرنے کے ضابطہ کار پرسختی سے عملدرآمد کرایا جائے، کسی کو زبردستی کھالیں جمع کرنے اور چھیننے کی اجازت نہیں دیں گے اور خلاف ورزی کرنے والوں کے خلاف آہنی ہاتھوں سے نمٹا جائے۔وزیرِداخلہ سندھ سہیل انورسیال نے کہا کہ سیکیورٹی ڈیوٹی پر مامور پولیس اہلکاروں کے کھانے پینے کا مناسب انتظام کیا جائے گا، حساس مساجد، عیدگاہوں کے گرد اسکینرزنصب کیے جائیں گے، تمام صورتحال کوخود مانٹیرکروں گا جب کہ لمحہ بہ لمحہ صورتحال سے آگاہ کیا جائے گا۔