Get Adobe Flash player

ممبئی میں شدید بارش کے باعث عمارت گرنے سے 10افراد ہلاک

بھارتی شہر میں شدید بارش کی وجہ سے 117 سالہ قدیم عمارت منہدم ہونے کے نتیجے میں 10 افراد ہلاک اور 15 زخمی ہوگئے۔بھارتی میڈیا کے مطابق ممبئی کے علاقے بھنڈی بازار میں شدید بارش کے باعث 5 منزلہ حسینی بلڈنگ منہدم ہونے سے 10 افراد ہلاک اور 15 زخمی ہوگئے۔ عمارت کے مکینوں کا تعلق بوہری برادری سے ہے۔ امدادی اداروں نے کارروائی کرتے ہوئے ملبے سے 25 افراد کو نکال لیا ہے جب کہ 20 سے زائد افراد بدستور ملبے میں پھنسے ہوئے ہیں جنہیں نکالنے کے لیے امدادی کارروائیاں جاری ہیں۔ علاقہ گنجان آباد اور تنگ گلیوں کی وجہ سے امدادی کاموں میں رکاوٹ کا سامنا ہے۔حکام کے مطابق اس 5 منزلہ عمارت میں 2 منزلیں غیر قانونی طور پر تعمیر کی گئی تھیں جب کہ عمارت بھی کافی پرانی ہونے کی وجہ سے خستہ حالت میں تھی جو تیز بارشوں کی تاب نہ لاتے ہوئے زمیں بوس ہوگئی۔ حکام کے مطابق خستہ حالت میں ہونے کی وجہ سے 2011 میں اس عمارت کو خالی کرنے کے دو نوٹس بھی جاری کیے گئے تھے۔