Get Adobe Flash player

وسیم اکرم کی ڈومیسٹک کرکٹ میں ڈرافٹ سسٹم لانے پر تنقید

قومی کرکٹ ٹیم کے سابق کپتان وسیم اکرم نے کہا ہے کہ پی سی بی کی جانب سے بغیر سوچے سمجھے ڈرافٹ سسٹم کو ڈومیسٹک کرکٹ میں لاگو کرنا سمجھ سے بالاتر ہے۔وسیم اکرم کا کہنا کہ پی ایس ایل کے انعقاد سے کیا پی سی بی کو صرف یہ پتہ چلا ہے کہ ایک ڈرافٹ سسٹم ہوتا ہے۔ اب معاملے پر سوچ بچار کیے بغیر اس آئیڈیا کو ڈومیسٹک کرکٹ میں کاپی/پیسٹ کرنا درست نہیں۔وسیم اکرم نے مزید کہا کہ پاکستان کو بنے 70 سال ہو رہے ہیں لیکن ابھی تک ہم ایک اچھا ڈومیسٹک کرکٹ سسٹم نہیں لا سکے، قومی ٹیم کی چیمپئنز ٹرافی میں فتح خوش آئند اور فتوحات کا یہ سلسلہ مستقبل میں بھی جاری رہنا چاہیے۔ قومی کرکٹرز ٹی 20 کرکٹ کھیل رہے ہیں جس سے ان کے کھیل میں نکھار آئے گا انہیں انگلینڈ میں کانٹی کرکٹ کھیلنے پر بھی توجہ دینی چاہیے۔