پاکستان کا کرکٹ ایونٹ بھارت سے منتقل کرنے کا مطالبہ

پاکستان کرکٹ بورڈ نے بھارت میںکھیلنے پر تحفظات کا اظہار کرتے ہوئے ایشیا ء انڈر 19 کرکٹ کپ بھارت سے کسی دوسرے مقام پر منتقل کرنے کا مطالبہ کردیا ہے۔ذرائع کے مطابق پی سی بی نے موقف اختیار کیا کہ کیوں کہ پاک، بھارت تعلقات سازگار نہیں ،اس لئے ایونٹ کا وینیو تبدیل کیا جائے، پاکستان کرکٹ بورڈ وینیو کی منتقلی کے معاملے کو ایشین کرکٹ کونسل کے اجلاس میں اْٹھائیگا۔ایشین کرکٹ کونسل کا سالانہ اجلاس آئندہ ہفتے کولمبو میں ہوگا جبکہ انڈر 19 ایشیا کپ کرکٹ ٹورنامنٹ نومبر میں بھارت میں شیڈول ہے۔