Get Adobe Flash player

عمر اکمل کا قومی ٹیم میں واپسی کیلئے انوکھا انداز,لاہور میں سخت پریکٹس شروع کر دی

کرکٹر عمر اکمل کا قومی کرکٹ ٹیم میں واپسی کیلئے انوکھا انداز اپنا لیا، پہلے پی سی بی ہائی پرفارمنس کیمپ ادھورا کیمپ چھوڑ کر برطانیہ گئے اور اب لاہور میں سخت پریکٹس شروع کر دی ۔پی سی بی ذرائع کے مطابق عمر اکمل کوزیادہ سے زیادہ رننگ کی ہدایت کی گئی ۔مگر نجی خرچ پر برطانیہ جانے والے عمر اکمل نے ایک بار پھر پی سی بی ٹرینرز کی ہدایات ہوا میں اڑائی اور برطانوی ٹرینر کی زیرنگرانی جم کی مختلف ویڈیوز پوسٹ کرتے رہے اور ٹیم میں واپسی کا اعلان بھی کیا۔انگلینڈ سے واپسی پر بھی عمر اکمل نیشنل کرکٹ اکیڈمی نہیں بلکہ مقامی گراونڈ میں پیڈ اور گلوز پہنیپریکٹس کرنے لگے ہیں۔یاد رہے کہ پی سی بی سسٹم سے دور عمر اکمل  پریکٹس کیساتھ قومی کرکٹ ٹیم میں واپسی کی انوکھی منتطق پر ٹوئیٹ کرتے ہیں۔


پی سی بی نے ورلڈ الیون کے میچز ضمنی الیکشن سے پہلے ختم کرنے کی حامی بھر لی
پنجاب حکومت کی ہدایت پر پاکستان کرکٹ بورڈ نے ورلڈ الیون کے میچز ضمنی الیکشن سے پہلے ختم کرنے کی حامی بھر لی۔   پی سی بی کے ایک اعلی عہدیدار کا کہنا ہے کہ ورلڈ الیون کے میچز کی راہ میں صرف امن و امان کی صورت حال ہی حائل ہو سکتی ہے ۔تفصیلات کے مطابق ورلڈ الیون کی ہر صورت پاکستان آمد کو یقینی بنانے کیلئے  پی سی بی نے پنجاب حکومت کی بات مان لی ، پی سی بی اعلی عہدیدار کے مطابق تمام معاملات درست اور مثبت سمت میں جا رہے ہیں۔ مالی معاملات سیریز کے انعقاد میں حائل نہیں ہوں گے ۔سیریز مہنگی ضرورہے لیکن پاکستان میں بین الاقوامی کرکٹ کی بحالی کے لیئے یہ کوئی مہنگا سودا نہیں، بورڈ اسپانسرز بھی حاصل کرنے کے لیے پر امید  ہے۔ذرائع کے مطابق 3 ٹی ٹوئنٹی میچز 8 سے 15 ستمبر کو منعقد کرانے کا پلان تیار کیا گیا۔یاد رہے کہ لاہور میں حلقہ 120 کے 17 ستمبر کو ہونے والی ضمنی الیکشنکی وجہ سے پنجاب حکومت نے ورلڈ الیون کی دورہ پاکستان کی تاریخیں تبدیل کرنے کے لیے کہا تھا۔