Get Adobe Flash player

انٹرنیشنل کرکٹ میں سلمان بٹ کی واپسی کیلئے راہ ہموارہونے لگی

سلمان بٹ کی انٹرنیشنل کرکٹ میں واپسی کیلیے راہ ہموار ہونے لگی، ہائی پرفارمنس کیمپ میں فارم اور فٹنس سے سلیکٹرز کو متاثر کیا۔اسپاٹ فکسنگ کیس میں پابندی کی سزا مکمل کرنے کے بعد محمد عامرکی انٹرنیشنل کرکٹ میں واپسی ہوئی، پیسر تینوں فارمیٹ کی قومی ٹیموں میں جگہ پکی کرچکے ہیں، سلمان بٹ کیلیے بھی راستہ بنتا نظرآرہا ہے، پی سی بی نے مستقبل کی کھیپ تیار کرنے کیلیے ہائی پرفارمنس کیمپ کا انعقاد کیا تو سلمان بٹ کو دیگر پلیئرز کیساتھ پریکٹس کی اجازت دی گئی۔اوپنر نے نیشنل کرکٹ اکیڈمی میں ٹریننگ کے دوران اپنی فارم اور فٹنس سے سلیکٹرزکومتاثر کیا، انھوں نے 5پریکٹس میچز میں 59.60کی اوسط کیساتھ سب سے زیادہ 298 رنز بنائے، سمیع اسلم 45.60کی ایوریج سے 228رنز جوڑ کر دوسرے نمبر پر رہے، دونوں نے ایک ایک سنچری بھی اسکور کی، دیگر بیٹسمینوں میں صاحبزادہ فرمان 171، محمد رضوان165 اور محمد نواز 31.80رنز کیساتھ نمایاں رہے۔