Get Adobe Flash player

کپاس کی بڑھوتری روکنے کیلیے نائٹروجنی کھاد کا استعمال کم کریں

ایوب زرعی تحقیقاتی ادارہ فیصل آباد کے ترجمان نے کاشتکاروں سے کہا ہے کہ کپاس میں پھول بننے سے چنائی تک ٹینڈوں کے گلنے اور سوکھنے کی بیماریوں کے باعث فی ایکڑ پیداوار میں کمی واقع ہوجاتی ہے۔ دیر سے کاشتہ کپاس کی فصل میں اگر پوٹاشم اور پانی کی کمی ہوتو ان بیماریوں کے حملہ کے بڑھنے کا خطرہ زیادہ ہوتا ہے ۔ ٹینڈوں کے گلنے کا عمل کپاس کی غیر ضروری بڑھوتری سے تیز ہوجاتا ہے۔ مقررہ مقدار سے زیادہ آبپاشی اور نائٹروجنی کھادوں کے استعمال سے پودوں کی غیر ضروری بڑھوتری شروع ہوجاتی ہے پودوں کی غیر ضروری بڑھوتری روکنے کے لیے نائٹروجنی کھاد کا استعمال کم کریں اور پودوں کی غیر ضروری بڑھوتری کی صورت میں بڑھوتری روکنے والی محکمہ زراعت کے مقامی عملہ کی سفارش کردہ زرعی زہریں استعمال کریں۔ انہوں نے مزید بتایا کہ فصل کے سوکھنے کی بیماری کو حملہ کے بعد کنٹرول کرنا مشکل ہوجاتا ہے اور تجربات سے ثابت ہے کہ پوٹاشیم کھاد کا زیادہ مقدار میں استعمال فصل کے سوکھنے کی بیماری کو کم کرنے میں مفید ثابت ہوا ہے۔