Get Adobe Flash player

آئی ایم ایف کا مالیاتی اخراجات میں کمی پر زور

 حکومت آمدنی میں اضافے اور اخراجات میں کمی کی پالیسی پر عمل کر رہی ہے جبکہ عالمی مالیاتی فنڈ نے بھی اخراجات میں کمی پر زور دیا ہے، جس کے پیش نظر آئندہ مالی سال حکومت نے سالانہ ترقیاتی پروگرام کے حجم میں تین فیصد کمی کا فیصلہ کیا ہے۔ وزارت خزانہ کے ذرائع کے مطابق آئندہ مالی سال پی ایس ڈی پی کے لئے پانچ سو پچیس ارب روپے رکھے جانے کی توقع ہے، رواں مالی سال اس مد میں پانچ سو چالیس ارب روپے مختص کئے گئے تھے، وزارت خزانہ کا کہنا ہے کہ اخراجات میں کمی سے مالی خسارے میں بھی کمی ہوگی، نئے بجٹ میں مالی خسارے کا اندازہ جی ڈی پی کے چار اعشاریہ آٹھ فیصد کا اندازہ لگایا جائے گا، جو رواں مالی سال چھ اعشاریہ تین فیصد رہنے کا امکان ہے۔