Get Adobe Flash player

حکومت پنجاب نے چاول کا پیداواری ہدف34لاکھ ٹن مقر رکردیا

حکومت پنجاب نے رواں سال کیلئے صوبے میں چاول کا پیداواری ہدف34لاکھ ٹن مقر رکردیاہے جبکہ حالیہ سیزن کے دوران گندم کی ریکارڈ 19.2 ملین ٹن پیداوار حاصل ہوئی ہے ۔ محکمہ زراعت کے ترجمان نے بتایاکہ صوبائی حکومت ریسرچ اینڈ ڈویلپمنٹ کو فروغ دے کر شعبہ زراعت میں ترقی، کسانوں اور عوام کی فلاح، سیلز ٹیکس ، ریونیو اوربرآمدات میں اضافے اور زرمبادلہ کو بڑھا کر معیشت کی ترقی کے ایجنڈے پر عمل پیرا ہے۔انہوںنے بتایاکہ حکومت پنجاب صوبے بھر میں رمضان المبارک کے دورن عوام کو سستی اور معیاری اشیائے خوردونوش فراہم کرنے کیلئے سستے رمضان بازار لگائے گی۔انہوںنے کہا کہ کسان حضرات سبزیوں کی کاشت کیلئے ٹنل فارمنگ کو فروغ یقینی بنائیں۔