Get Adobe Flash player

ووٹوں کی دوبارہ گنتی اور تصدیق کا اختیار الیکشن کمیشن کو ہے حکومت کو نہیں

وفاقی وزیر اطلاعات ونشریات سینیٹر پرویز رشید نے ایک انٹرویو میںبجا طور پر کہاہے کہ حکومت کے پاس چار حلقوں کے ووٹوں کی دوبارہ گنتی کا کوئی اختیا نہیں ہے اگر کسی کو کوئی شکایت ہے تو اسے الیکشن کمیشن سے رابطہ کرنا ہوگا انہوں نے کہا کہ حکومت لانگ مارچ سے خوفزدہ نہیں ہے دراصل لانگ مارچ کرنے والی جماعتیں آئندہ سال مارچ میں متوقع سینٹ انتخابات سے فرار چاہتی ہیں انہوں نے کہا کہ عمران خان کو احساس کرناچاہیے کہ مسلح افواج ہمارے مستقبل کو محفوظ بنانے کے لئے شمالی وزیرستان میں جنگ لڑ رہی ہیں اور اس اہم مرحلے پر کسی قسم کا اختلاف قوم کے لئے نیک شگون نہیں ہوگا پرویز رشید نے عمران خان پر زور دیا کہ وہ متاثرین کی مدد کے لئے مشترکہ کوششیں کریں کیونکہ ان کے پاس اگلے چار برسوں میں سیاست کے لئے بہت وقت موجود ہے انہوں نے کہا کہ جمہوریت کی قدر عمران خان کو معلوم نہیں یہ ہم جانتے ہیں کہ جمہوریت کیاہے جنھوں نے اس کی خاطر قید اور جلاوطنی کاٹی وزیراطلاعات نے کہا کہ پرویز مشرف کو پھنسانے والی تحریک انصاف ہی ہے حامد خان کی درخواست پر ان کا نام ای سی ایل میں ڈالا گیا جبکہ ہم نے صرف عدالتی حکم پر عمل کیا انہوں نے کہا کہ عمران خان کا ایجنڈاپاکستان مخالف ہے وہ طالبان کو مضبوط کرناچاہتے ہیں۔وزیراطلاعات کی محولہ گفتگو تاریخ کے سیاق وسابق میں بے حد اہمیت کی حامل ہے یقیناً جمہوریت کی اہمیت وافادیت وہی بہتر جانتے ہیں جنھوں نے اس کے لئے جدوجہد کی ہوتی ہے اور قربانیاں دی ہوتی ہیں اس اعتبار سے عمران خان کو جمہوریت کی اہمیت کا ادراک نہیں ہے انہوں نے مشرف کی آمریت کو دوام دینے کے سلسلے میں ان کے ریفرنڈم کی حمایت کی اور اس کے بعد کا تمام عرصہ آمر کی خوشنودی میں مصروف رہے تاہم ان کی بدقسمتی کہ پرویز مشرف نے انہیں کسی بڑے منصب پر لانے کے سلسلے میں اپنا وعدہ پورا نہ کیا ان کے بارے میں طالبان کے حامی ہونے کا تاثر بھی غلط نہیں ہے اگر ایسی بات نہ ہوتی تو آپریشن کے متاثرین کی امداد اور نگہداشت کے معاملے میں وہ وفاقی حکومت کے ساتھ کھڑے ہوتے اور ملک بھر کے عوام کوآپریش کے ردعمل کا مقابلہ کرنے کے سلسلے میں چوکس اور بیدار کرتے مگر حقیقت یہ ہے کہ متاثرین کی امداد کے سلسلے میں ان کی صوبائی حکومت کی دلچسپی محض برائے نام سی ہے ان کا سارا زور اس بات پر ہے کہ وفاقی حکومت متاثرین کی امداد کے لئے تمام فنڈز ان کی صوبائی حکومت کے سپرد کر دے جبکہ وفاقی حکومت کا موقف ہے کہ فاٹا وفاقی حکومت کے ماتحت ہے اس لئے متاثرین کی امداد کے سلسلے میں اس پر سب سے زیادہ ذمے داری عائد ہوتی ہے اور وہ اپنی یہ ذمے داری پاک فوج کے تعاون سے احسن طور پر نبھارہی ہے چار حلقوں میں ووٹوں کی گنتی کے معاملے میں وزیراطلاعات نے سو فیصد درست کہا ہے یہ حکومت کا نہیں بلکہ الیکشن کمیش کا دائرہ اختیار ہے اب تک جہاں کہیں بھی ووٹوں کی دوبارہ گنتی یاتصدیق ہوتی ہے حکومت کا اس میں کوئی عمل دخل نہ تھا بلکہ یہ الیکشن کمیشن کے احکامات کا نتیجہ تھی تحریک انصاف کا الیکشن کمیشن سے رابطہ کرنے کی بجائے حکومت سے مطالبہ اور اس پر الزامات کا رویہ چار حلقوں میں ووٹوں کی تصدیق کامعاملہ نہیں بلکہ اس کی آڑ میں جمہوریت کو ڈی ریل کرنے کے مذموم عزائم ہیں جن کا ساتھ دینے کے لئے عوام ہرگز تیار نہیں ہیں۔