Get Adobe Flash player

August 2017

01 August 2017

حافظ سعید کی نظر بندی میں دو ماہ کی توسیع کر دی گئی

امیر جماعت الدعوہ حافظ سعید کی نظر بندی میں دو ماہ کی توسیع کر دی گئی۔ضلعی انٹیلی جنس کمیٹی اور کانٹر ٹیررازم ڈپارٹمنٹ (سی ٹی ڈی) کی سفارش پر امیر جماعت الدعوہ کی نظر بندی میں دو ماہ کی توسیع کر دی گئی ہے۔ایڈیشنل چیف سیکرٹری داخلہ اعظم سلیمان نے حافظ سعید کی نظر بندی میں توسیع کا نوٹیفکیشن بھی جاری کر دیا ہے۔ اعلامیے میں کہا گیا ہے کہ حافظ سعید کی نظر بندی ختم کرنے سے نقص امن کو خطرہ ہو سکتا ہے اس لئے ان کی نظر بندی میں توسیع کی گئی۔


Read more

جاوید ہاشمی میڈیا میں ان رہنے کیلئے دوسروں پر کیچڑ اچھالتے ہیں ، ڈاکٹر امجد

 آل پاکستان مسلم لیگ کے سیکرٹری جنرل ڈاکٹر محمد امجد نے کہا ہے کہ جاوید ہاشمی بزرگ آدمی ہیں ، پرویز مشرف کے خلاف گھٹیا زبان استعمال کرنے پر ہمارا منہ نہ کھلوائیں۔ وہ میڈیا میں اِن رہنے کے لئے دوسروں پر کیچڑ اچھال رہے ہیں۔ جاوید ہاشمی کی طرف سے اے پی ایم ایل کے سربراہ اور سابق صدر سید پرویز مشرف پر بے جا تنقید پر پارٹی کے سیکرٹری جنرل ڈاکٹر محمد امجد نے ردعمل کا اظہار کرتے ہوئے کہا کہ جاوید ہاشمی کا باطن سبھی جانتے ہیں ، وہ بھی اپنے گریبان میں جھانکیں۔ جنرل ضیا کے دور میں وزارت پر براجمان رہنے والے جاوید ہاشمی کا پرویز مشرف کے خلاف زہر اگلناسمجھ سے بالا ہے۔ انہوں نے کہا کہ موصوف پی ٹی آئی میں اپنے بیٹی کو ٹکٹ دلوانے کے لئے آئے تھے ، دال نہ گلی تو بہانہ بنا کر عمران خان کے خلاف ہو گئے۔ ڈاکٹر محمد امجد نے کہا کہ 2013ء کے الیکشن میں پارٹی ٹکٹوں کی مد میں جاوید ہاشمی کے پیسہ بنانے کی کہانیاں زبان زد عام ہیں۔ وہ میڈیا میں ان رہنے کے لئے دوسروں پر کیچڑ اچھال رہے ہیں۔

Read more

01 August 2017

مجلس وحدت مسلمین کا اجلاس،''مہدی برحق کانفرنس ''کے انتظامات کا جائزہ

مجلس وحدت مسلمین کے صوبائی و ضلعی رہنمائوں کا ایک اہم اجلاس مرکزی رہنما نثار فیضی کی زیر صدارت مرکزی سیکرٹریٹ میں ہوا۔اجلاس میں شہید عارف حسینی کی برسی کے سلسلے میں ہونے والی ''مہدی  برحق کانفرنس ''کے انتظامات کا جائزہ لیا گیا۔  شرکا ء نے اپنے اپنے علاقوں میں ہونے والے روابط اور پیش رفت سے انتظامی کمیٹی کے سربراہ کو آگاہ کیا۔اس موقعہ پر بتایا گیا کہ 6اگست بروز اتوار پریڈ گرائونڈ (شکرپڑیاں) اسلام آباد میں شہید قائد کی برسی کی تقریب منعقد ہو گی جس میں ملک کے تمام بڑے شہروں سے شیعہ سنی  افراد شریک ہوں گے۔اس سلسلے میں نامور علما، کرام اور مختلف مذہبی و سیاسی شخصیات کو بھی مدعو کیا جا چکا ہے۔تمام اضلاع میں روابط کا سلسلہ تقریبا مکمل ہو چکا ہے۔تشہیری مہم میں مجلس وحدت مسلمین کے کارکنان نے شب و روز محنت کر کے بہترین کارکردگی کا مظاہرہ کیا ہے۔ مختلف علاقوں  کی جامع مساجد میں نماز جمعہ کے اجتماعات میں پمفلٹ کی تقسیم اور اعلانات کیے گئے  اور شہید حسینی کی قومی خدمات پر روشنی ڈالی گئی۔تقریب کے روز سٹیج کی تیاری ، سائونڈ سسٹم کی مناسب تنصیب اور نشست و برخاست کے معاملے پر بھی تفصیلی تبادلہ خیال کرتے ہوئے اس امر کو یقینی بنانے پر اتفاق رائے ہوا کہ مذکورہ معاملات کو بہترین انداز میں طے کرنے میں کوئی کسر نہ چھوڑی جائے۔اجلاس میں بتایا گیا کہ برسی کی تقریب کو حکومت کی طرف سے  فول پروف سیکورٹی کی فراہمی کے سلسلے میں متعلقہ انتظامیہ سے بات چیت بھی حتمی مراحل میں داخل ہو چکی ہے۔ اس کے علاوہ مجلس وحدت مسلمین کے سینکڑوں سکائوٹس کو کانفرنس کے  داخلی اور خارجی راستوں پر تعینات کیا جائے گا تاکہ ہر آنے جانے والی کی کڑی نگرانی کی جا سکے۔برسی کمیٹی کے چیئرمین نثار فیضی نے تقریب کے انتظامات پر اطمینان کا اظہار کرتے ہوئے صوبائی و ضلعی عہدیدران کی کاوشوں کو سراہا ہے۔انہوں نے کہا کہ یہ ایک ملی فریضہ ہے جس کو ہم سب نے مل کر ادا کرنا ہے۔


Read more

01 August 2017

ون ونڈو آپریشن ڈائریکٹوریٹ سی ڈی اے کا اہم شعبہ ہے،شیخ انصر عزیز

 میئر اسلام آباد و چیئرمین سی ڈی اے شیخ انصر عزیز  نے کہا کہ ون ونڈو آپریشن ڈائریکٹوریٹ ،کیپٹل ڈویلپمنٹ اتھارٹی (سی ڈی اے) کا نمایاں اور اہم شعبہ ہے،شہر بھر سے رہائشی ہر روز شعبہ ون ونڈو آپریشن میں آتے ہیں جہاں بہتر ین خدمات فراہم کی جاتی ہیں ،بہترین کارکردگی اورشہریوں کو عمدہ سہولیات کی فراہمی ادارے کی اچھی شہرت کا سبب بنے گی۔وہ بروز پیر  سی ڈی اے ہیڈ کوارٹر میں منعقدہ  اجلاس سے خطا ب کر رہے تھے۔  اجلاس کے دوران ون ونڈو آپریشن ڈائریکٹوریٹ کی کارکردگی کا جائزہ لیا گیا۔ اجلاس میں اسٹیٹ ونگ کے اعلیٰ افسران نے شرکت کی۔ اجلاس کے دوران میئر اسلام آباد و چیئرمین سی ڈی اے شیخ انصر عزیز کو بتایا گیا کہ ماہِ جون کے دوران  ون ونڈو آپریشن ڈائریکٹوریٹ نے 148 درخواستوں پر کاروائی مکمل کر کے اس مد میں ادارے کے لیے 6کروڑ 26لاکھ 4ہزار نوسو 39 روپے ریونیو حاصل کیا۔ اجلاس کو بتایا گیا کہ ماہِ جون کے دوران سی ڈی اے کے ون ونڈو آپریشن نے کمرشل پراپرٹی سے متعلق 21 درخواستوں پر کاروائی مکمل کرتے ہوئے ادارے کے لیے 1,159,239/- روپے  ریونیو وصول کیا ۔ اجلاس کو بتایا گیا کہ ماہِ جون کے دوران سی ڈی اے کے ون ونڈو آپریشن میں رہائشی جائیداد کی 63 درخواستوں پر کاروائی مکمل کرتے ہوئے 2,981,400/- روپے ادارے کو ریونیو فراہم کیا جس سے ادارے کے ریونیو میں خاطر خواہ اضافہ ہوا۔ اجلاس کو مزید بتایا گیا کہ اسٹیٹ افیکٹز سے متعلق موصول ہونے والی 58 درخواستوں پر کاروائی مکمل کی گئی اور ماہِ جون کے دوران اس مد میں 2,124,300/- روپے ادارے کو موصول ہوئے ۔  


Read more

01 August 2017

نواز شریف کو اقامہ پر نہیں بلکہ زائد اثاثے رکھنے پر نااہل کیا گیا،صفدر عباسی

پاکستان پیپلز پارٹی ورکرز کے صدر صفدر عباسی اور ناہید خان نے کہا ہے کہ سپریم کورٹ کے پانچ رکنی بنچ کا پانامہ کے حوالے سے فیصلہ کرنے پر ان کو خراج تحسین پیش کرتے ہیں۔ پیپلز پارٹی کے دور میں آئین کے آرٹیکل 62,63کو نکالا جا رہا تھا تو اس وقت پی ٹی آئی اور ن لیگ نے مخالفت کی تھی آج وزیراعظم کی نا اہلی کی بنیادی وجہ ہی 62اور63بنا ہے۔ ن لیگ کی طرف سے مسلسل جھوٹ بولا جا رہا  ہے کہ وزیراعظم کو پانامہ پر نہیں بلکہ اقامہ پر نا اہل کیا گیا ہے جبکہ حقیقت میں ان کو زائد اثاثے رکھنے پر نا اہل کیا گیا ہے۔ پاکستان پیپلز پارٹی ورکرز این اے120کے ضمنی انتخابات میں حصہ لے گی۔ ان خیالات کا اظہار انہوں نے پیر کے روز نیشنل پریس کلب میں پریس کانفرنس کے دوران کیا ۔ انہوں نے کہا کہ  سپریم کورٹ آف پاکستان کے پانچ محترم جج صاحبان کو خراج تحسین پیش کرتے ہیں اور ان کی جرات کو سلام پیش کرتے ہیں کہ پاکستان کی ستر سالہ سیاسی تاریخ میں کسی موجودہ وزیراعظم کو احتسابی عمل سے گذرنا پڑا ہے اس کے ساتھ ہی  جے آئی ٹی کے ان چھ ممبران کی جرات اور کام کو تحسین کی نظر سے دیکھتے ہیں  کہ انہوں نے بلا خوف و خطر وزیراعظم اور انکے خاندان کے خلاف شفاف تحقیقات کر کے پانی رپورٹ سپریم کورٹ آف پاکستان کو پیش کی۔ جبکہ اس سے پہلے شہید ذوالفقار علی بھٹو کا عدالتی قتل اور محترمہ بے نظیر بھٹو کے ساتھ ناروا سلوک عدالتی تاریخ انہوں نے کہا کہ حقیقی طور پر رشوت ستانی نے پاکستانی معاشرے کو تباہی کے دہانے پر کھڑا کر دیا ہے۔ پاکستان بننے کے بعد ہی رشت ستانی ایک کینسر کی طرح معاشرے میں پھیلتی چلی گئی اور عوامی عہدوں کو ذاتی منعفت کے لئے استعمال کیا گیا اور 1985ء کے غیر جماعتی انتخابات کے بعد یہ معاشرتی زندگی کا مستقل حصہ بنتی چلی گئی۔ انتہا درجے کی رشوت ستانی نے پاکستانی معاشرتی سسٹم اور اخلاقی قدروں کو پستی کی طرف دھکیل دیا ہے۔ غربت اور بیروزگاری نے ہمارے نوجوانوں کے ذہنوں کو ماؤف کر دیا ہے اور ان میں سے بہت انتہا پسندی کی طرف مائل ہو گئے ہیں یا معاشرتی برائیوں کا سبب بن رہے ہیں۔اقتدار پر قابض چند با اثر لوگ اور احتساب کا دوہرا  نظام رشوت ستانی کو فروغ دے رہا ہے اور یہ با اثر لوگ قانون کی پکڑ سے بچ نکلنے  میں کامیاب ہو جاتے ہیں ۔ رشوت ستانی کیخلاف مہم اس وقت ہی کامیاب ہو سکتی ہے جب ہم اپنے طرز حکمرانی میں اصلاحات لائی اور بلا تفریق احتسابی نظام قائم ہو جس میں تمام سیاسی جماعتوں سے تعلق رکھنے والے حکمران ، نوکر شاہی اور عدلیہ اور مسلح افواج کے لوگ شامل ہوں۔ انہوں نے کہا کہ احتساب کے عمل کو شفاف بنانے کے لئے ضروری ہے کہ وزیراعظم کی نا اہلی اور انکے خلاف مقدمات قائم کرنے سپریم کورٹ کے حکم کے بعد ضروری ہے کہ دیگر سیاسی جماعتوں خصوصاً زرداری پارٹی اور تحریک انصاف کے اندر بیٹھے ہوئے ان لوگوں جن پر رشوت ستانی کے الزامات ہے کارروائی کو آگے بڑھای اجائے۔ ہم خود ہر قسم کے احتسابی عمل سے گزرنے کے لئے تیار ہیں۔ سپریم  جوڈیشل کاؤنسل فوری طور پر ان ججز حضرات کیخلاف کارروائی کرے جن پر مختلف الزامات ہیں۔ وہ افسران جو مختلف محکموں جس میں  ایف بی آر ، ایف ائی اے ، نیب ، ایس بی پی، ایس ای سی پی شامل ہیں اور رشوت ستانی کے زمرے میں آتے ہیں انکے خلاف بھی کارروائی کو تیز کی اجائے۔ ہم جنرل راحیل شریف کی طرف سے مسلح افواج کے اندر شروع کئے گئے احتسابی عمل کو خوش آئند سمجھتے ہوئے مسلح افواج کی موجودہ قیادت سے بھی یہ توقع رکھتے ہیں کہ وہ اپنے ادارتی عمل کے ذریعے اس عمل کو جاری رکھیں گے۔ چونکہ جمہوری نظام میں انتخابات اقتدار پر پہنچنے کا ایک مسلمہ ذریعہ ہے اس لئے انتہائی ضروری ہے کہ سیاسی جماعتیں اپنے آپ کو نظریاتی اور جمہوری انداز میں منظم کریں اور جماعتوں کے اندر خاندانی وارثوں کا خاتمہ کیا جائے۔ آج سیاسی ورکر اپنی اپنی جماعتوں کا غلام بنا ہوا ہے اور ضرورت اس بات کی ہے کہ تمام سیاسی ورکر پانی جماعتوں کے اندر اصلاحات کی آواز کو بلند کریں ورنہ یہ سیاسی اور جمہوری نظام زمین بوس ہو جائے گا۔ پاکستان پیپلز پارٹی ورکرز نے یہ فیصلہ کیا ہے کہ پارٹی NA-120کے ضمنی انتخابات میں حصہ لے گی۔ ہم سمجھتے ہیں کہ پنجاب اور خصوصاً لاہور کا ووٹ بینکPML (N)اورPTIکی میراث نہیں ہے اور اس کے لئے بھٹو  شہید کے سیاسی فلسفے اور محترمہ بینظیر بھٹو کی سیاسی وژن کے مطباق ایک حقیقی سیاسی ورکر کو سامنے لایا جائے۔ یہ اس لئے بھی ضروری ہے کہ زرداری پارٹی نے پنجاب   اور لاہور کی سیاست کو خیرباد کہہ دیا ہے یہ فیصلہ بھی کیا گیا ہے کہ وفاقی دارالحکومت اسلام آباد ، صوبائی دارالحکومت اور تمام ڈویژنل ہیڈ کوارٹر عوامی مسائل خصوصاً رشوت ستانی ، بیروزگاری، تعلیم اور صحت کے مسائل اور سیاسی جماعتوں میں نظریاتی اور جمہوری عمل کو جاری کرنے کے لئے احتجاجی کیمپ لگائے جائیں گے۔


Read more

گزشتہ شمارے

<< < August 2017 > >>
Sun Mon Tue Wed Thu Fri Sat
    1 2 3 4 5
6 7 8 9 10 11 12
13 14 16 17 18 19
20 21 22 23 24 25 26
27 28 29 30 31