Get Adobe Flash player

September 2017

12 September 2017

ترقیاتی منصوبوں کیلئے سعودی تعاون کو قدر کی نگاہ سے د یکھتے ہیں، اسحاق ڈار

وفاقی وزیر خزانہ سینیٹر اسحاق ڈار نے کہا ہے کہ پاکستان ترقیاتی منصوبوں کیلئے سعودی تعاون کو انتہائی قدر کی نگاہ سے دیکھتا ہے، پاکستان اقتصادی شعبہ میں باہمی تعاون کو مزید مضبوط بنانے کا خواہاں ہے۔ وہ  پیر کو   سعودی سفیر نواف سعید المالکی   سے  ملاقات  میں گفتگو کررہے تھے ۔ ملاقات میں دوطرفہ تعاون اور باہمی دلچسپی کے امور پر تبادلہ خیال کیا گیا۔ وزیر خزانہ اسحاق ڈار نے کہا کہ پاکستان اور سعودی عرب کی دوستی مثالی ہے، ہم اقتصادی شعبہ میں باہمی تعاون کو مزید مضبوط بنانے کے خواہاں ہیں۔ وزیر خزانہ نے پاکستان میں سعودی سفیر نواف المالکی کی خدمات کو سراہتے ہوئے کہا کہ پاکستان ترقیاتی منصوبوں کیلئے سعودی تعاون کو انتہائی قدر کی نگاہ سے دیکھتا ہے۔

Read more

12 September 2017

مریم نواز عدلیہ اور اداروں کو للکارتی پھر رہی ہیں، شیخ رشید احمد

عوامی مسلم لیگ کے سربراہ شیخ رشید احمدنے کہا ہے کہ مریم نواز عدلیہ اور اداروں کو للکارتی پھر رہی ہیں ، 4سے 6 مہینے میں نواز شریف کی سیاست ختم ہوجائے گی۔پیر کو نجی ٹی وی سے گفتگو کرتے ہوئے  شیخ رشید  نے کہا کہ نوازشریف لندن میں گھومتے تو نظرآئیں گے، لیکن پاکستان میں سیاست کرتے نظرنہیں آئیں گے۔لاہور کے حلقہ این اے 120 کے باسیوں کو شیخ رشید کا کہنا تھا کہ اگر وہ چوروں اور ڈاکووں کاساتھ دیں گے تو بدمعاشوں کو بھگتنے کیلئے تیار رہیں۔

Read more

12 September 2017

چوہدری نثار کی نگرانی کیلئے جاسوسی نیٹ ورک تیار

لیگ ن کی رہنما مریم نواز نے سابق وزیر داخلہ چوہدری نثار علی خان کی نگرانی کیلئے جاسوسی نیٹ ورک تیار کر لیا ہے جو کہ نثار علی خان سے ملاقات کرنے والوں سمیت ان کی سیاسی سرگرمیوں پر کڑی نظر رکھ کر مریم نواز کو خصوصی رپورٹ پیش کرے گا، میڈیا رپورٹس کے مطابق سابق وزیر داخلہ چوہدری نثار علی خان کے مریم نواز کے خلاف بیانات سے پارٹی قیادت کو سخت تشویش لاحق ہو گئی ہے، جس کی بنیاد پر مریم نواز نے سابق وزیر داخلہ کی مانیٹرنگ کیلئے جاسوسی نیٹ ورک تیار کیا ہے جو کہ چوہدری نثار سے ملاقاتیں کرنے والے ارکان اسمبلی اور پارٹی عہدیداروں پر کڑی نظر رکھیں گے، اور چوہدری نثار علی خان کی پنجاب ہاؤس اور گھر میں سیاسی سرگرمیوں کی بھی کڑی نگرانی کی جائے گی، کیونکہ پارٹی قیادت کو چوہدری نثار کے بیانات سے پارٹی میں ٹوٹ پھوٹ کا خدشہ بھی لاحق ہے، اس لئے یہ جاسوس نیٹ ورک پارٹی کے اندر سے تیار کیا گیا ہے جو اپنی رپورٹ راؤنڈ میں مریم نواز کو پیش کرے گا جس کے بعد چوہدری نثار اور انکے ارکان مستقبل کا فیصلہ کیا جائے گا۔

Read more

12 September 2017

کلثوم نواز کاغذات منظور ی کیس، ریٹرننگ آفیسر کو نوٹس جاری

لاہور ہائیکورٹ کے جسٹس امیر الدین خان کی سربراہی میں تین رکنی فل بنچ نے کلثوم نواز کے کاغذات نامزدگی منظور کرنے کے فیصلے کیخلاف درخواستوں پر پر ریٹرنگ آفیسر کو 13 ستمبر کیلئے نوٹس جاری کر دیئے ہیں۔ ایک ہی نوعیت کی چار مختلف درخواستوں میں کلثوم نواز کے کاغذات نامزدگی منظور کرنے کے فیصلے کو چیلنج کیا گیا۔کلثوم نواز کے کاغذات نامزدگی کیخلاف پیپلز پارٹی کے رہنما فیصل میر ، عوامی تحریک کے اشتیاق چودھری، مقامی ووٹر نبیل شہزاد اور سرفراز حسین ایڈووکیٹ نے الگ الگ درخواستیں دائر کیں۔ درخواستوں میں کلثوم کے کاغذات نامزدگی پر مختلف نوعیت کے اعتراضات اٹھائے گئے۔ درخواست میں کہا گیا کہ ریٹرنگ آفیسر نے کلثوم نواز کے خلاف اعتراضات کو نظر انداز کرتے ہوئے حقائق کے برعکس کاغذات نامزدگی کو منظور کر لیا۔

Read more

12 September 2017

سابق وزیر اعظم نوازشریف پاکستانی عوام کیلئے جنگ لڑینگے،طلال چوہدری

وزیرمملکت برائے داخلہ طلال چوہدری نے کہاہے کہ عوام کے حقوق کیلئے لڑنے پر کسی کو بھی نواز شریف کو سنگین نتائج کے حوالے سے خبردار نہیں کرنا چاہیے  سابق وزیر اعظم نوازشریف پاکستانی عوام کیلئے جنگ لڑینگے اور انہیں خوفزدہ نہیں کیا جاسکتا ۔ ایک انٹرویومیں وزیر مملکت برائے داخلہ طلال چوہدری نے کہاکہ عوام کے حقوق کیلئے لڑنے پر کسی کو بھی نواز شریف کو سنگین نتائج کے حوالے سے خبردار نہیں کرنا چاہیے نواز شریف پاکستانی عوام کے لیے جنگ لڑیں گے اور انہیں خوف زدہ نہیں کیا جاسکتا۔ان کا کہنا تھا کہ نواز شریف کو گھر بھیجنے کے لیے نامناسب جلدبازی کا مظاہرہ کیا گیا اور اب ایسا لگتا ہے کہ انہیں (نیب ریفرنسز) میں سزا سنانے کے لیے جلدی بازی کی جارہی ہے۔طلال چوہدری کا کہنا تھا کہ برطرف وزیراعظم طاقت کے بغیر حکومت نہیں چاہتے تھے کئی لوگوں نے نواز شریف کو مشورہ دیا کہ وہ طاقت میں رہیں اور ووٹ کے تقدس کی بات نہ کریں، نواز شریف کے لیے اقتدار کی راہ پر واپس آنا مشکل نہیں تاہم وہ طاقت اور عزت کے بغیر حکمرانی نہیں کرنا چاہتے۔وزیر مملکت نے عدالت سے مطالبہ کیا کہ نواز شریف کے ساتھ مصفانہ انداز اپنایا جائے۔انہوںنے کہاکہ سابق وزیراعظم کو ان سوالات کے جواب ملنے چاہئیں جو انہوں نے اپنی نااہلی کے خلاف دائر کردہ نظرثانی پٹیشن میں اٹھائے ہیں۔طلال چوہدری کے مطابق عمران خان این اے 120 میں ووٹ حاصل کرنے کیلئے سپریم کورٹ کا نام استعمال کررہے ہیں اور وہ ججز کو بند گلی میں لے جانا چاہتے ہیں

Read more

پاک بحریہ کی پہلی میری ٹائم سیکیورٹی ورکشاپ کاآغاز

پاک بحریہ کے زیراہتمام پہلی میری ٹائم سیکورٹی ورکشاپ کا آغاز ہوگیا ۔ترجما ن پاک بحریہ کے مطابق  بحریہ کی تاریخ میں پہلی بار  میری ٹائم سیکورٹی سے متعلق ورکشاپ کا انعقاد کیا گیا ہے۔ ورکشاپ  کے پہلے روز افتتاحی سیشن کے مہمان خصوصی  نیوی وار کالج کے کمانڈنٹ ریئر ایڈمرل معظم الیاس تھے۔افتتاحی سیشن سے خطاب کرتے ہوئے ریئر ایڈمرل معظم الیاس نے کہا کہ گوادر بندرگاہ قومی اقتصادی ترقی کی بنیاد اور پاکستان بالخصوص بلوچستان کی خوشحالی کا وسیلہ ہے، پاکستان توانائی کی بین الاقوامی گزرگاہ آبنائے ہرمز کے قریب واقع ہے جو پٹرولیم کی کل بحری تجارت کے 30فی صد کی آبی گزرگاہ ہے، ورکشاپ کا مقصد بحری معیشت اور سمندر سے جڑے قومی سیکیورٹی خدشات سے متعلق آگہی پھیلانا ہے، میری ٹائم سکیورٹی تمام بحری خطرات بشمول ریاستی وغیر ریاستی عناصر کے خطرات سے محفوظ رکھتی ہے، یہ ہماری ذمہ داری ہے کہ ہم خطے کی میری ٹائم صورت حال پر نظر رکھیں۔



Read more

نوازشریف کیخلاف مقدمہ پاناما کا تھا اور فیصلہ اقامہ پر آیا، مریم نواز

مسلم لیگ(ن)کی رہنما مریم نوازکا کہنا ہے کہ سب جانتے ہیں کہ نوازشریف کے خلاف کیا فیصلہ آیا مقدمہ پاناما کا تھا اور فیصلہ اقامہ پر آیا۔ لاہور میں ورکرز کنونشن سے خطاب کرتے ہوئے مسلم لیگ(ن) کی رہنما مریم نواز کا کہنا تھا کہ خواتین کو سیاست میں خود کو منوانے کے لئے لڑکوں کی نسبت زیادہ محنت کرنا پڑتی ہے ہمارے خاندان میں بھی خواتین سیاسی سرگرمیوں میں حصہ نہیں لیتی تھیں لیکن میں نے یہ روایت بدل دی اور اس سے قبل جب 1999 میں فوجی آمر نے جمہوری حکومت کا تختہ الٹا تو میری والدہ نے مسلم لیگ (ن) کی کمان سنبھالی، جدوجہد کی اور جب سب لوگ گھروں میں چھپ گئے تھے تو میری والدہ نے ہی ایک آمر کو للکارا تھا۔ کلثوم نواز کی اس وقت کی جدوجہد ہی کی وجہ سے آج مجھے ہرجگہ کلثوم نواز نظر آتی ہیں اور ہماری جماعت ملک کے کونے کونے میں پھیل رہی ہے۔مریم نواز نے کہا کہ سب جانتے ہیں کہ  نوازشریف کے خلاف کیا فیصلہ آیا مقدمہ پاناما پر چلا اور فیصلہ اقامہ پر آیا  نوازشریف نے تو یہ فیصلہ مانا قانون اور آئین پر چلتے ہوئے فیصلے پر عمل درآمد بھی کیا لیکن عوام نے اس غلط فیصلے سے انکار کردیا اور آج نوازشریف کا ہر چاہنے والا  اور ووٹر اپنے قائد کا مقدمہ لڑ رہا ہے۔

Read more

ملک کا راستہ آئین اورجمہوریت کے ساتھ جڑا ہوا ہے، وفاقی وزیرداخلہ

وفاقی وزیر داخلہ احسن اقبال نے کہا ہے کہ پاکستان نے 70 سالوں میں بہت ہچکولے کھالیے جب کہ ملک کا راستہ آئین اورجمہوریت کے ساتھ جڑا ہوا ہے۔وفاقی وزیر داخلہ  احسن اقبال نے کراچی میں بابائے قوم قائد اعظم محمد علی جناح مزار پر حاضری دی  اور فاتحہ خوانی کی،اس موقع پر میڈیا کے نمائندوں سے بات کرتے ہوئے انہوں نے کہا کہ بدقسمتی سے ہمارے اندرفرقوں کی عصبیت نے جڑپکڑلی ہے اور ہمارے نوجوانوں کو ورغلانے کی کوشش کی جارہی ہے لیکن  ہم یہ سازش کامیاب نہیں ہونے دیں گے ہمیں قائداعظم کے وژن کو دوبارہ زندہ کرنا ہے۔ انہوں نے کہا پاکستان نے 70 سالوں میں بہت ہچکولے کھالیے جب کہ ملک کا راستہ آئین اورجمہوریت کے ساتھ جڑا ہوا ہے۔وزیر داخلہ نے تحریک انصاف کے سربراہ کو تنقید کا نشانہ بناتے ہوئے کہا کہ ایک بڑی سیاسی جماعت  کے لیڈر ملک کی ترقی و خوشحالی  پر کبھی خوش نہیں ہوئیاور انہوں نے کبھی ملک کی کوئی خوبی اور کامیابی کو تسلیم نہیں کیا جب کہ پاکستان آنے والے انٹرنیشنل کھلاڑی کوئی پھٹیچر نہیں بلکہ ورلڈ کلاس پلیئرز ہیں۔ انہوں نے کہا کہ10سال سے سنسان ہمارے میدان آباد ہو نے جارہے ہیں پوری قوم  پاکستان میں کرکٹ کا ایک بڑا ٹورنامنٹ دیکھے گی  اس لییآزادی کپ  کے لاہور میں انعقاد پر اسے صوبائی رنگ نہ دیا جائے۔


Read more

سینیٹ کمیٹی کا روہنگیا مسلمانوں سے اظہار یکجہتی کیلئے میانمار جانے کا اعلان

سینیٹ کی قائمہ کمیٹی برائے انسانی حقوق نے روہنگیا مسلمانوں سے اظہار یکجہتی کے لئے برما جانے کا فیصلہ کیا ہے۔سینیٹ کی قائمہ کمیٹی برائے انسانی حقوق کے اجلاس میں روہنگیا مسلمانوں سے متعلق قرارداد متفقہ طور پر منظور کرلی  گئی ہے جو سینیٹ اجلاس میں پیش کی جائے گی۔  قرارداد کے متن میں روہنگیا مسلمانوں کے قتل عام اور پرتشدد واقعات پر تشویش کا اظہار کرتے ہوئے اعلان کیا گیا ہے کہ سینیٹ کی قائمہ کمیٹی برائے انسانی حقوق رونگیا مسلمانوں کے علاقے راکھین کا دورہ کرے گی۔قرارداد میں مطالبہ کیا گیا ہے کہ وزیراعظم شاہد خاقان عباسی سینیٹ میں آکر حکومت کا مقف واضح کریں اور حکومت پاکستان فوری طور پر میانمار حکومت سے رابطہ کرے جب کہ اس حوالے سے بین الاقوامی برادری سے بھی رابطہ کیا جائے اور روہنگیا کی تازہ صورتحال سے متعلق اقوام متحدہ کی انسانی حقوق کونسل میں بھی بھرپور طریقے سے آواز اٹھائی جائے۔

Read more

بیگم کی بیماری کی آڑ میں نوازشریف کا واپس نہ آنا غیرمناسب ہے، خورشید شاہ

قومی اسمبلی میں اپوزیشن لیڈر سید خورشید شاہ کا کہنا ہے کہ نوازشریف کو ملک میں رہ کر نیب ریفرنسز کا سامنا کرنا چاہئے کلثوم نواز کی بیماری کی آڑ میں ان کا وطن واپس نہ آنا غیرمناسب ہے۔اسلام آباد میں میڈیا سے بات کرتے ہوئے پارلیمنٹ میں قائد حزب اختلاف خورشید شاہ کا کہنا تھا کہ نئے چئیرمین نیب کی تعیناتی کے حوالے سے وزیراعظم شاہد خاقان عباسی نے اب تک کوئی مشاورتی عمل شروع نہیں کیا جب کہ چئیرمین نیب کی ریٹائرمنٹ سے 3 ماہ قبل ہی مشاورتی عمل شروع ہوجانا چاہئے تھا اب اس حوالے سے میں خود سیاسی جماعتوں سے مشاورت کروں گا۔خورشید شاہ نے کہا کہ بیگم کلثوم نواز کی صحت کے لئے دعاگو ہیں لیکن نوازشریف کا کلثوم نواز کی بیماری کی آڑ میں بیرون ملک سے واپس نہ آنا غیر مناسب ہے، انہیں ملک میں رہ کر نیب ریفرنسز کا سامنا کرنا چاہئے۔  ہم چاہتے ہیں کہ تمام ادارے اپنے دائرہ کار میں رہ کر کام کریں، نیب نے بہت سے نام ای سی ایل میں ڈالے لیکن شریف خاندان کے معاملے میں نرمی برتی گئی۔

Read more

گزشتہ شمارے

<< < September 2017 > >>
Sun Mon Tue Wed Thu Fri Sat
          1 2
3 4 5 6 7 8 9
10 11 12 13 14 15 16
17 19 20 21 22 23
24 25 26 27 28 29 30