بابائے قوم کی69ویں برسی؛سیاسی وعسکری شخصیات کی مزارقائد پرحاضری

بابائے ژقوم قائد اعظم محمد علی جناح کی 69ویں برسی کے موقع پر سیاسی و عسکری شخصیات نے مزار قائد پر حاضری دی ہے اور ان کے افکار پر عمل پیرا ہونے کے عزم کا اعادہ کیا ہے۔ بابائے قوم قائد اعظم محمد علی جناح کی 69 ویں برسی کی مناسبت سیگورنر سندھ محمد زبیر، وزیراعلی سندھ سید مراد علی شاہ، میئر کراچی وسیم اختر اور ڈی جی رینجرزسندھ میجر جنرل محمد سعید سمیت اعلی سیاسی و عسکری شخصیات نے مزار قائد پر حاضری دی اور پھول چڑھائے۔  اس کے علاوہ  پاک بحریہ کے کیڈٹس کی جانب سے قرآن خوانی بھی کی گئی۔گورنر سندھ محمد زبیرنے میڈیا سے گفتگو کرتے ہوئے کہا کہ آج بابائے قوم کی برسی ہے یہاں حاضری دینا ہم سب کا فرض ہے۔آج  ملک کی تاریخ کا اہم ترین دن ہے پاکستان بابائے قوم کے خواب پر پورا اتریگا، ملک کی ترقی کے لیے معاشی ترقی بہت اہم ہے، قائد اعظم نے جس طرح کا پاکستان سوچا تھا ہمیں اس پر کام کرنا ہوگا، ہم قائد اعظم کے اصولوں پر عمل کرکے ہی ملک کو امن کا گہوارہ بناسکتے ہیں ہم سب کو مل کر قائد کے خواب کو شرمندہ تعبیر کرنا ہے۔