0

اے پی سی ہوئی نہیں اور شیخ رشید کی ٹانگیں ابھی سے کانپنے لگیں، رانا ثنا اللہ

لاہور: مسلم لیگ(ن) کے رہنما رانا ثنا اللہ نے کہا ہے کہ اپوزیشن کی اے پی سی ہوئی نہیں اور شیخ رشید کی ٹانگیں ابھی سے کانپنے لگیں۔
پاکستان مسلم لیگ(ن) کے رہنما رانا ثنا اللہ نے وزیر ریلوے شیخ رشید کے بیان پر ردعمل ظاہر کرتے ہوئے کہا کہ مسلم لیگ (ن) کی سیاست کی فکر چھوڑ کرمظلوم خاندانوں کا سوچیں جن کے پیارے آپ کی نالائقی نااہلی کے سبب ٹرین کے سفر میں جاں بحق ہوگئے۔
رانا ثنا اللہ نے کہا کہ مریم نواز کی نیب میں پیشی شیخ رشید اور عمران خان کی سیاست پر ٹھا کر کے لگی، تھکی ہوئی حکومت نے ملک کے ہر شعبے کو تباہ کر دیا ہے، تھکے ہوئے لوٹوں سے عوام کو ریلیف کی کوئی امید نہیں ہے۔رانا ثنا اللہ کا کہنا تھا کہ شیخ رشید نواز شریف کا نام لے کر اپنی تھکی ہوئی بوسیدہ سیاست کو زندہ رکھتا ہے، ہر روز سرکاری خرچے پر صرف ایک ہی کام ہے، نواز شریف، شہباز شریف مریم نواز اور حمزہ شہباز، ان کے اوسان پر شہباز شریف، مریم نواز اور اے پی سی سوار ہیں۔رانا ثنا اللہ نے مزید کہا کہ اے پی سی ابھی ہوئی نہیں لیکن شیخ رشید کی ٹانگیں ابھی سے کانپنے رہی ہیں، اسے پتہ ہونا چاہیئے کہ سلیکٹڈ وزیراعظم کے پاس این آر او دینے کا اختیار نہیں، وہ ساری عمر این آر او لے کر سیاسی گھر بدلتا رہا۔

اس خبر پر اپنی رائے کا اظہار کریں

اپنا تبصرہ بھیجیں