0

اب آکسی میٹر کی حامل، ایپل واچ سیریزسکس

سان فرانسسو: آئی فون اور دیگر مصنوعات بنانے والے مشہور کمپنی ایپل نے ایپل واچ سیریز سکس اپنی مجازی تقریبِ رونمائی میں پیش کردی ہے۔اس بار واچ میں صحت اور جسمانی بہتری پر زور دیتے ہوئے جدید فیچر شامل کئے گئے ہیں جن میں حساس آکسی میٹر بھی موجود ہے۔ تجزیہ کاروں نے اسے کورونا وبا کے تناظر میں ایک اہم اختراع قرار دیا ہے کیونکہ دنیا بھر میں جہاں ماسک، سینیٹائزر کے ساتھ ساتھ خون میں آکسیجن کی مقدار ناپنے والے آکسی میٹر کی شدید قلت بھی دیکھی گئی تھی۔ اس تقریب کو دنیا بھر میں دس لاکھ سے زائد افراد نے آن لائن دیکھا ۔ایپل کمپنی کے مطابق گھڑی کے نیچے حساس سینسر نصب ہیں جوخون کی رنگت دیکھ کر صرف 15 سیکنڈ میں آکسیجن کی درست مقدار ظاہر کرتا ہے اور یہ ایپل واچ کے خواص میں ایک نمایاں اضافہ ہے۔ اس کے علاوہ یہ نیلے المونیم میں پیش کی جانے والی ایک پہلی ایپل واچ بھی ہے۔ تاہم سات مختلف اسٹائل اور رنگوں میں سے آپ اپنی پسندیدہ واچ لے سکتے ہیں۔ڈسپلے کی سطح پر میموجی کا اضافہ کیا گیا ہے جو ایک کسٹمائز اوتار ہے جسے آپ اپنی شخصیت کے لحاظ سے تبدیل کرسکتے ہیں۔ ایپل نییہ بھی بتایا کہ اس نے ڈاکٹروں اور دیگر ماہرین کے اشتراک سے صحت و امراض کے طویل مطالعات بھی کئے ہیں ۔ ان کی معلومات سے ایپل واچ میں بطورِ خاص صحت اور فٹنس کے نئے فیچر شامل کئے گئے ہیں۔

اس خبر پر اپنی رائے کا اظہار کریں

اپنا تبصرہ بھیجیں