0

مروہ زیادتی کیس میں 2 ملزمان کے فنگر پرنٹس میچ ہوگئے

کراچی: مروہ اجتماعی زیادتی اور قتل کیس میں اہم پیشرفت یہ ہوئی ہے کہ گرفتار ملزمان کی انگلیوں کے نشان میچ ہوگئے۔تفتیشی ذرائع کے مطابق عبداللہ اور فیضو کے فنگر پرنٹس مروہ کے نمونوں سے میچ کرگئے ہیں۔ مروہ کے کپڑوں اور فیضو کے گھر کے بستر سے نمونے لیے گئے تھے۔دونوں ملزمان پہلے ہی اعتراف جرم کر چکے ہیں اور پولیس حکام کو اب صرف ڈی این اے رپورٹس کا انتظار ہے۔ گرفتار ملزم فیضو مروہ کے گھر سامنے رہتا ہے اور درزی کا کام کرتا ہے۔ دوسرا ملزم عبداللہ کچرا چنتا ہے اور افغانی ہے۔فیضو نے مروہ کو اغوا کیا اور اپنے گھر کی چھت پر لے گیا جہاں دونوں بدبخت لوگوں نے بچی کو اجتماعی زیادتی کا نشانہ بنایا۔ مروہ کی لاش جن کپڑوں میں لپٹی ملی وہ فیضو اپنی دکان سے لایا تھا۔ ٹھوس شواہد کی بنا پر پہلے فیضو اور پھر عبداللہ کی گرفتاری عمل میں آئی تھی۔

اس خبر پر اپنی رائے کا اظہار کریں

اپنا تبصرہ بھیجیں