0

نواز شریف کو ہر جگہ سے ناکامی کے بعد جمہوریت یاد آئی ہے، اسد عمر

کراچی: وفاقی وزیر منصوبہ بندی اسد عمر نے کہا ہے کہ ہر جگہ سے ناکامی کے بعد نواز شریف کو جمہوریت یاد آئی ہے۔کراچی میں وفاقی وزیر علی حیدر زیدی کے ہمراہ پریس کانفرنس کے دوران اسد عمر نے کہا کہ 2018 کیانتخابات میں کراچی کے عوام نے پی ٹی آئی کو ووٹ دیا، 11 جماعتی اتحادی کو کراچی میں خوش آمدید کہتے ہیں۔وفاقی وزیر کا کہنا تھا کہ نوازشریف بھاگ کر لندن میں بیٹھ گئے ہیں، نوازشریف کے بھائی اور پارٹی کے لوگ این آراو مانگتے رہے ہیں، ہر جگہ سے ناکامی کے بعد انہیں جمہوریت یاد آئی، ان کا بیانیہ اب کہیں بکنے والا نہیں، وہ سزایافتہ مجرم ہیں اور سوالات پوچھنے والے ہوتے کون ہیں؟ ان کا مسئلہ کسی فرد کے ساتھ نہیں بلکہ اداروں کے ساتھ ہے، ان کی تقاریر سول بالادستی اورجمہوریت کے لئے نہیں بلکہ اپنی کرپشن بچانے کے لئے ہے، نوازشریف کی تنقید ان اداروں پرہے جوان کی اطاعت نہیں کرتے، انہوں نے ایک تقریر میں نیاعمران خان بنادیا۔ وہ دلیر ہیں تو ان کے منہ سے کلبھوشن کانام کیوں نہیں نکلتا؟

اس خبر پر اپنی رائے کا اظہار کریں

اپنا تبصرہ بھیجیں