0

جو ایس او پیز کی خلاف ورزی کرے گا اس کیخلاف کارروائی ہوگی، عثمان بزدار

لاہور: وزیراعلی پنجاب عثمان بزدار نے کہا ہے کہ پی ڈی ایم کے جلسوں سے ہمیں کوئی پریشانی نہیں ہے لیکن جو کورونا ایس او پیز کی خلاف ورزی کرے گا اس کیخلاف قانونی کارروائی ہوگی۔لاہور میں میڈیا بریفنگ کے دوران وزیراعلی پنجاب نے کہا کہ پنجاب میں گزشتہ روز کورونا کے 13ہزار سے زائد ٹیسٹ کیے گئے، گزشتہ 24 گھنٹوں کے دوران 22 افراد کورونا کے جاں بحق ہوئے، پنجاب میں کورونا کیسزمیں اضافہ ہورہا ہے اور لاہور اس میں سر فہرست ہے، لاہور میں کورونا کے مریضوں کی تعداد تشویش ناک صورتحال اختیار کرچکی ہے، لاہور میں کورونا کے مثبت کیسز کی شرح 10 فیصد سے بڑھ گئی ہے۔ پنجاب میں 2 ہزار سے زائد اسمارٹ لاک ڈان نافذ کیا گیا، لاہور میں 625 سے زائد مقامات پر اسمارٹ لاک ڈاون نافذ ہے۔عثمان بزدار نے کہا کہ حکومت عوام کو کورونا سے بچانے کے اقدامات کررہی ہے، محکمہ صحت کی معاونت کی جارہی ہے ، آج ہی ایک ارب روپے کا بجٹ جاری کیا گیا ہے، کورونا کے مریضوں کے علاج کیلئے اسپتالوں کو ازسر نوفعال کردیاگیا ہے، کورونا انجکشن کی مزید خریداری کیلئے آرڈر دے دیا گیا ہے،پہلے سیمختص اسپتالوں کودوبارہ فعال کیا گیا ہے، ایکسپو سینٹر میں 300 سے زیادہ بیڈ لگادیے گئے ہیں، پنجاب میں 1400سے زائد وینٹی لیٹرز موجود ہیں۔وزیراعلی پنجاب نے کہا کہ پی ڈی ایم کے جلسوں سے ہمیں کوئی پریشانی نہیں ہے، تحریک انصاف سے زیادہ بڑے جلسے کوئی نہیں کرسکتا، اجتماعات کے حوالے سے عدالت کا فیصلہ موجود ہے، ہم نے اپنے تمام جلسے منسوخ کردیئے ہیں، جو کورونا ایس او پیز کی خلاف ورزی کرے گا اور جہاں جہاں غیرقانونی سرگرمیاں ہوں گی قانون کیمطابق کارروائی ہوگی۔آئندہ کچھ روز میں لاہور کے حوالے سے اچھی خبریں آئیں گی۔

اس خبر پر اپنی رائے کا اظہار کریں

اپنا تبصرہ بھیجیں