0

کراچی ٹیسٹ؛ دن کے اختتام پر پاکستان کو جنوبی افریقا پر 88 رنز کی برتری


کراچی: جنوبی افریقا کے خلاف کراچی ٹیسٹ میں دوسرے دن کے اختتام پر پاکستان کو 88 رنز کی برتری حاصل ہوگئی ہے۔نیشنل اسٹیڈیم کراچی میں کھیلے جارہے ٹیسٹ میچ کے دوسرے دن قومی ٹیم نے فواد عالم کی سنچری کی بدولت جنوبی افریقا کے خلاف 88 رنز کی برتری حاصل کرلی ہے جب کہ دن کے اختتام تک قومی ٹیم نے 8 وکٹوں کے نقصان پر 308 رنز بنالیے ہیں۔پاکستان نے 33 رنز 4 کھلاڑی آٹ پر آج اپنی پہلی اننگز کا دوبارہ آغاز کیا تو اظہر علی اور فواد عالم نے ذمہ داری کا مظاہرہ کرتے ہوئے قومی ٹیم کو مشکل صورت حال سے نکالا اور 94 رنز کی شراکت قائم کی تاہم اظہر علی 51 رنز بناکر آٹ ہوگئے۔اظہر علی کے بعد فواد عالم کا ساتھ نبھانے محمد رضوان میدان میں اترے تاہم وہ بھی 33 رنز بناکر آٹ ہوگئے جب کہ فہیم اشرف نے ساتویں وکٹ پر 102 رنز کی شراکت قائم کی، اس دوران فواد عالم نے اپنے ٹیسٹ کیریئر کی تیسری سنچری مکمل کی جب کہ فہیم اشرف نے نصف سنچری بنائی جس کے بعد 278 رنز پر فواد عالم 109 رنز بناکر آٹ ہوگئے اور کچھ ہی دیر بعد فہیم اشرف بھی 64 رنز بناکر پویلین لوٹ گئے۔

اس خبر پر اپنی رائے کا اظہار کریں

اپنا تبصرہ بھیجیں