0

افغانستان میں چیک پوسٹ کے قریب کار بم دھماکے میں 6 اہلکار ہلاک


ہرات: افغان صوبے ہرات میں سیکیورٹی فورسز کی چیک پوسٹ کے قریب کار بم دھماکے میں 6 اہلکار ہلاک اور 4 زخمی ہوگئے۔افغان میڈیا کے مطابق گزشتہ رات صوبے ہرات کے ضلع کوہسان میں سیکیورٹی فورسز کی چیک پوسٹ کے قریب کار بم دھماکے اور طالبان سے جھڑپوں کے نتیجے میں 6 اہلکار ہلاک اور 4 زخمی ہوگئے، چیک پوسٹ پر حملے کے بعد علاقے کو سیکیورٹی فورسز کی بڑی تعداد نے گھیرے میں لیکر آپریشن شروع کردیا۔ہرات کے گورنر سید وحید قتالی نے حملے کی تصدیق کرتے ہوئے کہا کہ گزشتہ رات پہلے سیکیورٹی فورسز کی چیک پوسٹ کو کار بم دھماکے سے نشانہ بنایا گیا جس کے نتیجے میں پبلک اب رائزنگ فورس کے 6 اہلکار ہلاک ہوگئے جب کہ طالبان اور سیکیورٹی فورسز کے درمیان جھڑپیں کئی گھنٹے تک جاری رہیں۔

اس خبر پر اپنی رائے کا اظہار کریں

اپنا تبصرہ بھیجیں