0

حکومت کا گلگت بلتستان کو صوبہ بنانے کیلیے آئینی ترمیم لانے کا فیصلہ


اسلام آباد: حکومت نے گلگت بلتستان کو صوبہ بنانے اور انتخابی اصلاحات کے لیے آئینی ترمیمی بل لانے کا فیصلہ کرلیا۔آئینی ترمیمی بل میں گلگت بلتستان کو سینیٹ اور قومی اسمبلی میں نمائندگی دینے اور سینیٹ الیکشن کے ووٹ کو قابل شناخت بنانے کی تجویز دی جائے گی۔وزیراعظم کے مشیر برائے پارلیمانی امور ڈاکٹر بابر اعوان نے بتایا کہ آئینی ترمیمی پیکج پر تجاویز کے لیے اسپیکر اسد قیصر پارلیمان میں موجود تمام جماعتوں کے نمائندوں پر مشتمل پارلیمانی کمیٹی تشکیل دیں گے ۔حکومت کی جانب سے مجوزہ آئینی ترمیمی بل میں گلگت بلتستان کو پاکستان کا عبوری صوبہ بنانے، سینیٹ الیکشن کے ووٹ کو قابل شناخت بنانے، اوورسیز پاکستانیوں کو الیکشن لڑنے کا حق دینا شامل ہے۔تجویز کے مطابق اوورسیز پاکستانی کو الیکشن جیتنے کے بعد حلف سے پہلے دوہری شہریت ترک کرنا ہوگی۔

اس خبر پر اپنی رائے کا اظہار کریں

اپنا تبصرہ بھیجیں