0

گیلانی کی کامیابی وزیراعظم کی طرح کچھ (ن) لیگی دوستوں کوبھی ہضم نہ ہوئی، بلاول


خیر پور: پیپلزپارٹی کے چیئرمین بلاول بھٹو کا کہنا ہے کہ وزیراعظم میں وہ صلاحیت ہی نہیں ہے کہ وہ معیشت چلائیں۔خیرپورمیں پریس کانفرنس کرتے ہوئے پیپلزپارٹی کے چیئرمین بلاول بھٹوکا کہنا ہے کہ ہم کسی لڑائی میں نہیں پڑنا چاہتے، اپوزیشن کی کچھ جماعتیں یہ تاثردے رہی ہیں کہ پیپلزپارٹی نے ڈیل کی ہے، پیپلزپارٹی کبھی ڈیل کی سیاست نہیں کرتی، چھوٹے ایشوزکے بجائے حکومت مخالف تحریک پرتوجہ دینی چاہیے، پارلیمانی سیاست کرتے ہوئے اپوزیشن لیڈرسے رابطہ رکھنا پڑے گا۔ بطورپی ڈی ایم سربراہ مولانا فضل الرحمن کی ذمہ داری ہیتمام جماعتوں کومتحد رکھیں۔بلاول بھٹوزرداری نے کہا کہ اگراپوزیشن جماعتیں متحد ہوکرعمران نیازی کے خلاف مقابلہ کرینگی تووفاقی حکومت اپنی مدت پوری نہیں کرے گی، نادان دوست کوجواب دینا ہم بھی جانتے ہیں مگرمیں خاموش ہوں۔ سمجھتا نہیں ہوں کہ کسی کو منانے کی ضرورت ہے۔بلاول نے کہا کہ اسٹیٹ بینک سے متعلق آرڈیننس کی ہرفورم پرمخالفت کریں گے، پنجاب اوروفاق میں حکومت کی اپوزیشن پیپلزپارٹی کررہی ہے، اپوزیشن کی باقی جماعتیں اپوزیشن کی اپوزیشن کررہی ہیں، اختلافات ایک طرف رکھ کرحکومت کیخلاف متحد ہونا چاہیے، عوام کے مسائل حل کرنے کی کوشش نہ کی گئی تو سب کا نقصان ہوگا۔

اس خبر پر اپنی رائے کا اظہار کریں

اپنا تبصرہ بھیجیں