0

شاہین بغیر آرام کے مسلسل اونچی پرواز کا شوقین


کراچی: شاہین بغیر آرام کے مسلسل اونچی پرواز کا شوقین ہے جب کہ جنوبی افریقہ سے سیریز میں نوجوان پیسرکی غیرمتاثر کن کارکردگی کو نان اسٹاپ کرکٹ کے سبب تھکاوٹ کا نتیجہ قرار دیا جا رہا ہے۔جنوبی افریقہ سے سیریزکے تین ون ڈے انٹرنیشنل میچز میں شاہین شاہ آفریدی نے 32.33 کی بھاری اوسط سے محض 6 وکٹیں ہی لیں،ٹی 20 سیریز میں تو ان کی کارکردگی مزید غیرمتاثر کن رہی اور 4 میچز میں 44.33 کی ایوریج سے صرف 3پلیئرز کوہی آوٹ کر سکے،کرکٹ کے حلقے ان کی ایسی کارکردگی کا سبب مسلسل کرکٹ کھیلنے سے تھکاوٹ کا شکار ہونے کو قرار دے رہے ہیں۔اس حوالے سے استفسار پر پاکستانی ٹیم کے قریبی ذرائع نے بتایاکہ یہ تاثر درست نہیں کہ شاہین کو کوچز آرام نہیں دینا چاہیے،گذشتہ چند ماہ میں درحقیقت ایک سے زائد بار انھیں پیشکش کی گئی مگر انھوں نے خود زور دے کر میچز میں حصہ لیا،وہ بغیر وقفہ لیے پاکستان ٹیم کی نمائندگی کرنا چاہتے ہیں،گذشتہ ہوم سیریز میں چیف سلیکٹر محمد وسیم نے بھی ان سے کہا تھا کہ وہ چند میچز میں حصہ نہ لے کر آرام کر لیں۔

اس خبر پر اپنی رائے کا اظہار کریں

اپنا تبصرہ بھیجیں