0

حکومت مجرموں کا تحفظ نہ کرے تو نیب سمیت ادارے نتائج دیتے ہیں، وزیراعظم


اسلام آباد: وزیراعظم عمران خان نے کہا ہے کہ حکومت مجرموں کا تحفظ نہ کرے تو نیب سمیت ادارے نتائج دیتے ہیں۔وزیراعظم عمران خان نے ٹویٹ کرتے ہوئے کہا کہ پی ٹی آئی حکومت کے تین سالہ دور 2018 سے 2020 میں نیب نے 484 ارب روپے ریکور کیے۔ اس کے مقابلے میں 1999 سے 2017 تک نیب نے مجموعی طور پر 290 ارب روپے ریکور کیے۔وزیراعظم نے کہا کہ جب حکومت مجرموں کو تحفظ نہ دے اور مداخلت کیے بغیر اداروں کو کام کرنے دے تو اچھے نتائج آتے ہیں، انویسٹی گیشن ایجنسیاں اور احتساب ادارے سیاسی مداخلت کے بغیر کام کریں تو اسی طرح کے نتائج آتے ہیں۔علاوہ ازیں وزیراعظم عمران خان کا کہنا ہے کہ لاک ڈان سے دیہاڑی دار اور مزدور طبقہ زیادہ متاثر ہوا، کمزور طبقے کو نظرانداز کرنیوالا ملک ترقی نہیں کرسکتا۔احساس سیونگ والٹس پروگرام کی تقریب سے خطاب کرتے ہوئے وزیر اعظم عمران خان کا کہنا تھا کہ کورونا کی وجہ سے غریب ممالک زیادہ متاثر ہوئے، اور بیشتر ممالک غربت کی لکیر سے نیچے چلے گئے، لاک ڈان سے دیہاڑی دار اور مزدور طبقہ بہت زیادہ متاثر ہوا، ہم نے احساس پروگرام کے تحت مستحق طبقے کی مدد کی۔

اس خبر پر اپنی رائے کا اظہار کریں

اپنا تبصرہ بھیجیں