0

سندھ حکومت کا پانی پر سیاست چمکانا ملکی مفادات کے خلاف ہے، وزیراعلی پنجاب


لاہور: وزیراعلی پنجاب سردار عثمان بزدار نے کہا ہے کہ سندھ حکومت کا پانی کے مسئلے پر سیاست چمکانا ملکی مفادات کے خلاف ہے۔سردار عثمان بزدار نے اہم بیان میں کہا ہے کہ پانی کے حوالے سے سندھ حکومت کا کمزور موقف بلا جواز ہے، پانی کی قلت کا سامنا پورے ملک کو ہے، اس پر سیاست چمکانا ملکی مفادات کے خلاف ہے۔وزیراعلی پنجاب نے کہا کہ پنجاب کو اپنے حصے سے ایک بوند بھی زیادہ پانی نہیں مل رہا، سندھ نے پانی کے مسئلے کو سیاسی بنا کر قوم کی کوئی خدمت نہیں کی، سندھ کو فصلوں کی بوائی کے دوران تواتر کے ساتھ پانی ملتا رہا، اس وقت کوئی شور نہیں مچایا گیا، اب پنجاب میں فصلوں کی بوائی ہو رہی ہے تو سندھ کی جانب سے شور مچانا نامناسب بات ہے۔

اس خبر پر اپنی رائے کا اظہار کریں

اپنا تبصرہ بھیجیں