0

مریم اور بلاول کی سیاست کا نہ کوئی نظریہ ہے اور نہ ہی کوئی مقصد، فواد چوہدری


اسلام آباد: وزیراطلاعات فواد چوہدری کا کہنا ہے کہ مریم اور بلاول کی سیاست کا نہ کوئی نظریہ ہے اور نہ ہی کوئی مقصد جب کہ جن کا پیسہ اور دولت بیرون ملک ہو، وہ کیسے پاکستان کے نظریئے کی حفاظت کریں گے۔وفاقی وزیراطلاعات فواد چوہدری نے بلاول بھٹو اور مریم نواز کی تقریروں پر ردعمل دیتے ہوئے کہا کہ مریم نواز اور بلاول بھٹو سیاسی طور پر طفل مکتب ہیں، انہیں کشمیر کی تاریخ اور کشمیری عوام کی جدوجہد کا کچھ پتہ ہی نہیں، ان کے والدین پاکستان کی اربوں روپے کی دولت لوٹنے کے مقدمات میں ملوث اور مفرور ہیں، یہ ان کی جگہ پر کر رہے ہیں۔فواد چوہدری نے کہا کہ مریم اور بلاول کی سیاست کا نہ کوئی نظریہ ہے اور نہ ہی کوئی مقصد، ان کی تقریروں سے بھی پتہ نہیں چل رہا کہ وہ کہنا کیا چاہ رہے ہیں، 30،30 سال حکومت کرنے والوں کو پتہ نہیں کہ ان کی پالیسی کیا ہے اور یہ چاہتے کیا ہیں، یہ اپنے دور حکومت میں تو کلبھوشن کا نام لیتے ہوئے بھی ڈرتے تھے، انہوں نے کیا پالیسی چلانی ہے۔

اس خبر پر اپنی رائے کا اظہار کریں

اپنا تبصرہ بھیجیں