0

ناظرہ قرآن کا نصاب جاری، پہلی سے پانچویں تک تعلیم لازمی


لاہور: (روزنامہ دنیا) تعلیمی اداروں میں ناظرہ قرآن تعلیم کے 50 نمبر ہونگے۔ پہلی سے تیسری جماعت کے لیے ہفتے میں 3 جبکہ چوتھی اور پانچویں جماعت کے لیے ہفتے میں 4 پیریڈ ہونگے۔تفصیلات کے مطابق پنجاب اسمبلی سے قانون میں ترمیم کے بعد قرآن ناظرہ لازمی تعلیم پر عملدرآمد شروع کر دیا گیا ہے۔پنجاب ٹیکسٹ بورڈ نے ناظرہ قرآن کا نصاب بھی جاری کر دیا ہے۔ پی سی ٹی بی کے مراسلے میں بتایا گیا ہے کہ پہلی سے پانچویں جماعت تک ناظرہ قرآن کی تعلیم لازمی ہے۔ تمام مسلمان طالبہ کے لیے ناظرہ تعلیم لازمی ہوگی۔نوٹیفکیشن کے مطابق ناظرہ قرآن تعلیم الگ سے لازمی مضمون ہوگا جس کے پچاس نمبر ہونگے۔مراسلے کے مطابق پہلی کلاس کو نورانی قاعدہ اور قرآن پاک کی آخری چار سورتیں پڑھائی جائیں گی۔پہلی جماعت کو پہلا اور دوسرا سپارہ پڑھایا جائے گا۔ تیسری جماعت کو تیسرے سے آٹھواں سپارہ پڑھایا جائے گا۔چوتھی جماعت کو 9 سے 18 تک سپارے پڑھائے جائیں گے۔ پانچویں جماعت کو 19 سے 30 تک سپارے پڑھائیں جائیں گے۔

اس خبر پر اپنی رائے کا اظہار کریں

اپنا تبصرہ بھیجیں