0

وزیراعظم شہباز شریف تین روزہ دورے پر ترکی پہنچ گئے


اسلام آباد: وزیراعظم شہبازشریف تین روزہ سرکاری دورے پر ترکی پہنچ گئے۔منصب سنبھالنے کے بعد وزیراعظم شہباز شریف کا ترکی کا یہ پہلا دورہ ہے۔ وزرا، معاونین خصوصی اور اعلی سطحی حکومتی وفد بھی ان کے ہمراہ ترکی پہنچا ہے۔وزیرِ اعظم شہباز شریف کو ایسن بوعا ائیر پورٹ انقرا پر ترک فوج کا چاک و چوبند دستہ گارڈ آف آنر پیش کر رہا ہے، جس کے بعد وزیراعظم کی صدر رجب طیب اردوان سے بالمشافہ ملاقات ہوگی جس کے بعد وفود کی سطح پر بات چیت کا انعقاد ہوگا۔پاکستان اور ترکی کے درمیان دوطرفہ تعلقات کے تمام پہلوں کا جائزہ لینے کے علاوہ دونوں رہنما علاقائی اور عالمی امور پر تبادلہ خیال کریں گے، بعداز اجلاس شہباز شریف اور طیب اردوان میڈیا سے مشترکہ خطاب کریں گے، جس کے بعد صدر اردوان وزیراعظم کے اعزاز میں عشائیہ دیا جائے گا۔

اس خبر پر اپنی رائے کا اظہار کریں

اپنا تبصرہ بھیجیں