0

توہین رسالتۖ پر اراکین قومی اسمبلی کا بھارت سے سفارتی تعلقات ختم کرنے کا مطالبہ


اسلام آباد: حکومتی اور اپوزیشن اراکین نے بھارت میں توہین رسالت ۖ کیخلاف شدید غم و غصے کا اظہار کرتے ہوئے بھارت سے سفارتی تعلقات، مصنوعات کے بائیکاٹ اور سفیر کو ملک بدر کرنے کا مطالبہ کر دیا۔ قومی اسمبلی میں بھارت میں آخری نبی حضرت مصطفی ۖ کی شان میں ہونے والی بدترین گستاخی پر اراکین اسمبلی کی جانب سے شدید غم و غصے کا اظہار کیا گیا، اراکین اسمبلی نے توہین رسالت ۖ کے معاملے پر قرارداوں تقریروں سے بڑ ھ کر عملی اقدامات اٹھانے پر زور دیا اور حکومت سے معاملے کو او آئی سی اور اقوام متحدہ میں اٹھانے کا مطالبہ کیا۔اراکین اسمبلی کا کہنا ہے کہ توہین رسالت ناقابل برداشت اور ناقابل معافی جرم ہے، اب ہندوستان کو آنکھیں دکھانے کا وقت آگیا ہے، یہ اس طرح ٹھیک نہیں ہوگا اسے ٹھیک کرنا پڑے گا۔

اس خبر پر اپنی رائے کا اظہار کریں

اپنا تبصرہ بھیجیں